Молитва ко Пресвятой Богородице о защите от врага.
О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим, не остави нас во зле погибающих, раствори любовию сердца наши и ко врагам нашим пошли стрелу Свою, да уязвляет сердца наши миром к гонящим нас.
Аще мир нас ненавидит - Ты простри любовь Свою к нам, аще мир нас гонит - Ты приими нас, подаждь нам Благодатную силу терпения - без ропота перенести испытания в мире сем бываемая.
О, Госпоже! Умягчи сердца злых человеков, восстающих на нас, да не погибнут сердца их во зле, - но умоли, Благодатная, Сына Твоего и Бога нашего, да умирит сердца их миром, дьявол же - отец злобы - да посрамится!
Мы же, воспевая милосердие Твое к нам, злым, непотребным, воспоем Ти, о Пречудная Госпоже Дево Благодатная, услыши нас в час сей, сокрушенныя сердца имущих, огради нас с миром и любовию друг ко другу и ко врагам нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!
Комментариев нет:
Отправить комментарий